Завршувањето на зимскиот период и преминот кон пролетниот, знаат да донесат бројни последици по квалитетот на кожата на дланките. Во зимниот период користиме бројни глицерински и силиконски креми за раце, од кои кожата станува зависна. Бидејќи преку овие креми, ние сме и обезбедувале дополнителна влажност на кожата, доаѓа до сушење на кожата на рацете.
За повторно враќање на убавата и нежна кожа на рацете, потребно е да направиме пилинг, со кој ќе ги отстраниме мртвите клетки од истата.
Во оваа статија ќе ви претставам еден едноставен и брз, домашен пилинг за раце, кој има одлично дејство.
Потребни ни се следниве намирници:
- 1 кафена лажичка шеќер
- 1 кафена лажичка сол
- 1/4 лимон
- 1 супена лажица мед
Со сите овие состојки правиме хомогена смеса. Откако смесата е готова, ја нанесуваме на дланките и нежно масираме 3-5 минути. Ги измиваме рацете и со тоа целата постапка е готова, а нашите раце се готови да блеснат со пролетната нежност и мекост.
Погледнете го видеото, со детално објаснување на постапката.
Верувам дека повеќето девојки сакаат шминката на лицето да не изгледа упадливо, но сепак да е впечатлива и модерна. Сезоната која што следи, со неа ни ги носи нежните очи и образи и шминката во корални нијанси. Овој тренд на шминкање е постојано присутен на светските модни писти и е широко прифатен од професионалците во оваа област.
(Чапурин- пролет/лето 2011)
Доколку овој изглед ви изгледа примамливо и доколку сметате дека сте доволно храбри за да се нашминкате вака, погледнете го видеото.
Разгледувајќи фризури по интернетов, налетав на една која мене лично многу ми се допадна. Девојкава е вистински професионалец.
Оваа фризура може да се прави и на пократка и на подолга коса, а изгледа многу убаво и опуштено. Ви требаа само неколку работи: преса за коса, малку лак за коса и 20 минути од вашето слободно време. Пресата треба да биде убаво загреана пред да почнете со правењето на оваа фризура. Резултатот е: прекрасна пролетна фризура со која ќе блеснете во полн сјај и која ќе додаде одлично совежување на вашиот изглед.
Многу од редот на светски познатите ѕвезди се видени со фризурава и на црвениот тепих.
Лично мене Ив во спотот Тambourine ми изгледа феноменално. Токму таа ми даде идеја да истражувам малку повеќе за оваа фризура. Доколку ви изгледа интересно и на вас, погледнете го видеото и испробајте ги вашите вештини.
1. Ниска пунџа со патец на средина Дефинитивен хит на модните писти, кој полека се сели и помеѓу тренд-сетерките ширум светот. Лежерна и убава фризура за секој ден. Може да се искомбинира во секоја прилика, а што е уште поважно- брзо се прави.
2. Патец на страна
Мислам дека оваа фризура ви е добро позната и дека нема потреба од дополнителни објаснувања.
3. Густи шишки
Повторно во мода, доаѓаат во полн ек, заедно со винтиџ стилот. Па, девојки, доколку имате густи и прави коси, оваа фризура е полн погодок.
4. Кратка фризура
Секоја сезона со себе носи и некоја форма на кратка фризура, која е модерна. И овој пат е така. Во тренд ќе бидат оние кратки фризури, кои изгледаат несредено.
5. Шишки преку челото
Супер класична фризура која дава дамски изглед. Без разлика дали косата е фатена во репче или е пуштена, потребни се само неколку потези со четката и фенот и вашиот изглед е готов.
Францускиот маникир изгледа убаво и елегантно, но и таа монотонија здоасдува. Сите припаднички на женскиот пол имаат потреба од експериментирање.
Во овој мој пост ќе ви предложам интересен, но сепак класичен и не толку упадлив дизајн за вашите нокти. Сите ние добро знаеме кој е брендот Бурбери (Британска модна куќа, која изработува луксузни модни производи) и кој е нивниот заштитен дизајн.
Доколку сте расположени за промени, погледнете ги следните две видеа:
Често при изборот на козметика за нега на нашето лице и тело, се одлучуваме за оние, веќе докажани брендови на пазарот, иако понекогаш и тие знаат да разочараат.
Нивеа според мене е еден од водечките и веќе докажани брендови од областа на козметиката. Во оваа статија ќе ви ги претставам најдобрите и најбараните 5 производи од Нивеа.
1. Nivea Lip care, Essential care
2. Nivea Moisturizing Skin Creme
3. NIVEA Body Goodbye Cellulite Gel-Cream
4. Nivea Lip Care A Kiss of Relief Lipstick SOS
5. Nivea Body Original Skin Oil, Extremely Dry, Chapped Skin
Тоа се петте најбарани производи на Нивеа.
Јас морам да истакнам дека не сум воопшто задоволна од линијата на шампони од Нивеа, а сум презадоволна од кремите и млеката за тела, се разбира и од линијата Lip Care.
Таа е една од најубавите жени на планетава. Една од попримерните холивудски личности, секогаш уредно облечена- жена која плени со својот природен изглед.
Разгледувајќи ги нејзините слики, наидов на една која мене лично многу ми се допадна. Супер вечерен изглед, особено за периодов кој следи.
Во оваа статија ќе се обидам да ви предложам козметика со која би можеле да го доловите овој изглед. На вас останува да се обидете да го постигнете изгледот, се разбира доколку ви се допадна.
Најпрво нанесете ја подлогата која стандардно ја користите и која одговара на вашиот тип на кожа. Откако ќе ја нанесете убаво и рамномерно врз целата површина на лицето, преминете на нанесување на бронзер или пудра во прав во малку потемна нијанса од вашиот тен. Овие два чекора се опфатени со следново видео (морам да признаам дека девојкава има преубава кожа)
Откако ќе завршиме со оваа фаза, може да преминеме на шминкање на очите. Се разбира, би почнале со нанесување на коректор, под долните капаци на очите. Користете коректор кој е една нијанса посветол од нијансата на пудрата.
Коректорот нанесете го на следните “критични“ точки на вашето лице.
Откако ќе завршиме со нанесувањето на коректорот, може да преминеме на нанесување на сенка. Во овој случај се користени темни сенки, во земјени нијанси, кои му ја даваат потребната драматичност на погледот.
Прво, нанесуваме сенка во црна боја, по целата должина на горните трепки. Истата ја сенчаме до половината на капакот. Дел од кафената сенка нанесуваме врз црната, внимателно ги мешаме, се додека не постигнеме изедначена нијанса. Кафената сенка ја нанесуваме скоро до веѓите, при што треба многу да внимаваме истата да биде избледена и убаво нанесена за да не делува нападно.
Резултатот кој ќе го добиете, би требало да изгледа вака:
Ви ги препорачувам сенките во следните нијанси:
За да ја добиеме конечната контура на окото, нанесуваме туш за очи и римел. Тушот нанесете го внимателно. Од почетокот на трепките, до крајот на окото. Препорачливо е линијата на крајот да биде малку подебела. Маскарата нанесете ја во повеќе слоја (објаснето е во претходните статии), за да добиете подобар ефект.
Многу битен детал од изгледот на секоја жена се веѓите. Често се случува да бидат изоставени при нанесувањето на шминка. Пополнете ги недостатоците од влакненца со молив за веѓи.
Со ова го комплетираме изгледот на очите.
Сега преминуваме на нанесување на кармин. Потребна ни е светло кафена нијанса, со примеси на розе и лила тонови. Оваа нијанса од MAC, би била совршена.
На крај, ни остана уште нанесување на руменило, во некоја бронзено-кафена нијанса. Истото го нанесуваме по целата должина на јаболчниците, но само во еден слој.
Со сето ова, нашата шминка е готова, но ни фали еден многу битен детаљ.....фризурата.
Со овие неколку постапки се постигнува изгледот инспириран од Џесика Алба. Па девојки се надевам дека ви се допадна оваа статија.
Утре е 1ви април! Сигурно многу од вас сеуште се двоумат како да се маскираат или пак дали воопшто да се маскираат. Истата дилема ме мачи и мене. Пребарувајќи по интернетов наидов на многу уникатни туториали за шминка.
Па, луѓе! Не двоумете се, еве ви неколку идеи од мене, останува уште утре да се фатите за работа и да си поминете една забавна вечер.
Се надевам дека ви дадов мотив и идеа плус. Се гледаме на плоштад!
Ви се случило ли да немате време за дотерување, бидејќи доцна ви било соопштено за настанот? Епа драги мои дами, за се’ има решение. Некогаш и со малку шминка можеме да изгледаме гламурозно и божествено. Потребни ни се само неколку работи: вообичаената подлога и пудра која ја користиме, туш, вообичаената маскара која ни одговара, руменило и сјај за усни.
Па, девојки.......уживајте!
Оваа постапка ќе ви одземе десетина минути, а ќе придонесе да блеснете во полн сјај. Подгответе се сите погледи да бидат вперени кон вас.
Како припаднички на женскиот пол ние секогаш имаме потреба од нешто ново, нешто уникатно. Тоа правило важи за се, па дури и за ноктите. Класичните и еднобојно излакираните нокти се преубави, но ете сите ние понекогаш сакаме да го сменине вообичаениот начин на лакирање на ноктите.
Мене оваа техника со вода ми е многу интересна, излегуваат преубави шари, а на вас останува само да ја вклучите фантазијата и да размислите за омилената комбинација на бои.
Совет од мене е да ги излакирате ноктите со бела или некоја друга светла боја како подлога и да користите лакови кои не се растварани со ацетон и кои не се засушени.
Секоја девојка/жена има различни трепки, но сепак едно нешто е заедничко- сите ние тежнееме за погусти и подолги трепки, кои ни даваат драматичен поглед. Сето тоа можеме да го преку избор на соодветната маскара, односно четкичка.
Кратки и тенки трепки
Вам ви е потребна маскара за волумен и за продолжување на трепките, со кратки и густи влакненца.
Долги и ретки трепки
Маскара за волумен со виткач е полн погодок за вашите трепки.
Кратки и густи трепки
Вам ви е потребна маскара за продолжување на трепките со густа четка.
Долги и густи трепки
Се препорачува било каква маскара со виткач, само за да им даде форма на трепките, бидејќи тие и онака имаат убав изглед.
После интензивно лакирање на ноктите, не ретко се случува да пожолтат и да добијат неубава нијанса. Не треба да се чудиме која е причината за тоа. Лаковите во себе содржат различни хемиски супстанции кои имаат соодветно штетно влијание врз површината на ноктот.
Но, постои решение и за овој мал проблем, кое е воедно и многу едноставно.
Тајната на избелувањето се крие во паста за заби и лимон. Погледнете го видеото и се’ ќе ви биде јасно. Слободно продолжете да се лакирате со интензивните нијанси, проблемот со пожолтувањето е решен.
Вашето деликатно сетило за мирис, бара нешто ултра-фино, но сепак со специфичен мирис.
"Little Kiss", Salvador Dali.
БЛИЗНАЦИ
Вашата природа прави да пробувате нови работи секојдневно. Не е важно дали е топло или студено, дали е ден или ноќ- "Funny", Moschino- е вистинскиот избор за вас.
РАК
Имате потреба од нешто што ќе ја истакне вашата убавина и сензуалност, "Amor Amor", Cacharel.
ЛАВ
Парфем кој ја истакнува вашата сила, моќ и брилијантност. "Emporio Armani Diamonds", Giorgio Armani.
ДЕВИЦА
Практични и романтични, нема да погрешите доколку го одберете "Kenzoamour", Kenzo.
ВАГА
Секогаш се двоумите при изборот, па еве решение за вас- направете си колекција. Во секој случај, на вас ви е потребно нешто навистина фантастично. "J'adore I'absolute", Dior.
ШКОРПИЈА
Вашиот лик е мистериозен и магичен, полн со шарм. “L’instant Magique“,Guerlain.
Се наближува топлото време, кое самото по себе бара собрана коса поради комфорт. Доколку имате долга коса, на располагање имате безброј варијанти на фризури. Високото опавче е една од тие варијанти, а многу битен детаљ е тоа што одговара за секоја прилика.
Но, проблем се јавува кога сакаме тоа да изгледа совршено. Сигурно многу пати ви се случило да не можете да заврзете висок реп онака како што сте замислиле. Праменчиња кои не се скротени, делот од косата кој се наоѓа на тилот виси, ластичето ви е премногу лабаво....
Во овој пост ќе ви откријам неколку мали трикови, за справување со овие мали “проблеми“.
Погледнете го следното видео, има многу корисни совети кои може да се применат практично и кои ќе придонесат токму вие да шетате со “совршеното високо опавче“.
Искрено, ноктите се една од првите работи кои ги забележувам кај девојките. Начинот на кој ги средуваме нашите нокти, кажува многу за личноста. Има многубројни дизајни за начини на лакирање на ноктите, но оваа сезона ќе се раководи од правилото “Less is more“.
Во изминатава, зимска сезона, доминираа темните нијанси на лакови за нокти. Сега дојде ред на пролетта, а со тоа и на посветлите нијанси.
Во овој пост ќе ги претставам нијансите кои ќе бидат хит во периодот кој следи.
Во принцип се работи за нежни нијанси, неупадливи и неутрални. Погодни за секоја возраст и за секоја пригода, но и за секоја должина.
Се разбира, како и секоја сезона, така и оваа- црвениот лак нема да остане незабележан. Тој е вистинска класика.
Па, девојки време е да ги освежиме нашите колекции лакови. Се надевам дека ви дадов некој предлог кој ви се допаѓа.
На некој начин плетенките секогаш биле во мода, помалку или повеќе. Без разлика дали се работи за плетенка во висок кок или внатрешни плетенки. Во последно време, се почесто се практикуваат лесни фризури кои не одземаат голем дел од нашето време за подготовка.
Сте ја забележале ли плетенката која е наречена “рибина коска“? Беше неизбежен дел од повеќето светски модни случувања во изминатиот период.
Начинот на изработка на оваа плетенка е многу едноставен, брз и лесен. Единствено нешто што ни треба за да го усовршиме правењето на оваа плетенка е праксата. Пробајте неколку пати на косите на вашите другарки или сестри. Верувајте, ќе станете вистински маестро за оваа тренди фризура.
Во продолжение ви доставувам линк, за начинот на правење на плетенката. Па, со среќа :)
Совет: препорачливо е да ја плетете со потенки праменчиња.
Откако го разработивме винтиџ изгледот за девојките со посветол тен, им дојде ред и на девојките со потемен тен.
Девојките со потемен тен, треба да се фокусираат на нагласување на очите и суптилна шминка на усните.
Откако ќе ја завршите стандардната процедура за нанесување на подлога која одговара на вашата кожа, преминувате на нанесување на пудра. Во овој случај користете пудра која одговара на вашиот тен (ниту посветла-ниту потемна). Пудрата ја нанесуваме на целото лице и на вратот.
Откако пудрата е убаво прилагодена на кожата, нанесуваме коректор, кој е една нијанса посветол од бојата на пудрата.
Шминката на очите треба да биде убаво нагласена. Се користат сенки за очи во следните нијанси: темно кафена, темно сива и црна боја.
Со комбинација на овие нијанси го шминкаме капакот на окото. Притоа треба да внимаваме поинтензивната боја да биде нагласена по должината на трепките.
По нанесувањето на сенката, нанесуваме туш, од почеток до крај на окото (во зависност од формата која сакаме да ја добиеме). Откако ќе завршиме со оваа постапка, преминуваме на нанесување на маскара (со истата постапка како во погорниот пост).
Делот под долниот капак на окото, нашминкајте го суптилно со кафена сенка. Тоа ќе му ја даде потребната драматичност на погледот.
После се’ ова, очите се готови.
Усните во овој случај, се шминкаат со кармини во неутрални нијанси (во зависност од вашиот вкус).
Немаме потреба од нанесување на моливче, пред нанесување на карминот. Доволно е да нанесеме безбоен сјај за усни, врз нијансата која ќе ја одбереме.
Контурирањето на лицето кај овој изглед е многу важно. Бираме бронзер или потемна нијанса на руменило, со нив го шминкаме делот на почетокот од јаболчниците. Во овој случај, погодна е нијансата rawhide.
Hi there! I am girl from Macedonia...I hope that you will like my texts.
I have interest in fashion, new trends, cosmetics and anything connected with the women beauty.
See ya around!
